Ein cynnig?

Mae KOE yn cynnig cynllunio, adeiladu, cyllido a gweithredu uned treulio anaerobig datblygedig fel rhan o fenter ‘Tuag at Ddyfodol Diwastraff’ Llywodraeth y Cynulliad. Diben yr uned fydd trin gwastraff bwyd Caerdydd.

Triniaeth naturiol yw treulio anaerobig sy’n defnyddio bacteria i dorri lawr gwastraff bwyd yn absenoldeb ocsigen, gan gynhyrchu bionwy a ddefnyddir i gynhyrchu trydan gwyrdd. Mae’r broses hefyd yn cynhyrchu deunydd hylifol i’w ddefnyddio fel gwrtaith ar dir. Y rheswm yw ei fod yn llawn o faetholion gwerthfawr, yn arbennig nitrogen, gan adael dim gwastraff o gwbl. Bydd y trydan yn cyflenwi gwaith trin dŵr gwastraff Dŵr Cymru drws nesaf gan wneud y safle’n fwy cynaladwy.

Cynlluniwyd yr uned ailgylchu i ddechrau gweithredu yn 2016, gyda’r cynhwysedd i drin oddeutu 35,000 tunnell o fwyd gwastraff y flwyddyn a gesglir gan Gyngor Caerdydd.

Y cynnig yw gosod yr uned ar safle gwaith trin dŵr gwastraff Dŵr Cymru drws nesaf i stad ddiwydiannol Tremorfa.

Y buddion?

• Trosi gwastraff bwyd i greu gwrtaith yn llawn maetholion gwerthfawr - gan helpu’r Cyngor i gyrraedd targedau ailgylchu a dargyfeirio o safleoedd tirlenwi.
• Nwyon a gynhyrchir gan y broses treulio anaerobig yn cynhyrchu ynni adnewyddadwy – gan leihau ein dibyniaeth ar danwydd ffosil a gostwng ôl troed carbon y brifddinas.
• Gostwng y nwyon tŷ gwydr a ryddheir i’r atmosffer.
• Cyfrannu at dargedau newid hinsawdd ac ynni adnewyddadwy Cymru.
• Cynhyrchu trydan ein hunain yn helpu i ddiogelu biliau ynni rhag newidiadau mawr annisgwyl yn y dyfodol.
• Cyfleoedd cymdeithasol ar ffurf swyddi ac ymweliadau addysgol.